Hamesha der kar deta huun main
Hamesha der kar detā huuñ maiñ har kaam karne meñ
zarūrī baat kahnī ho koī va.ada nibhānā ho
use āvāz denī ho use vāpas bulānā ho
hamesha der kar detā huuñ maiñ
madad karnī ho us kī yaar kī Dhāras bañdhānā ho
bahut derīna rastoñ par kisī se milne jaanā ho
hamesha der kar detā huuñ maiñ
badalte mausamoñ kī sair meñ dil ko lagānā ho
kisī ko yaad rakhnā ho kisī ko bhuul jaanā ho
hamesha der kar detā huuñ maiñ
kisī ko maut se pahle kisī ġham se bachānā ho
haqīqat aur thī kuchh us ko jā ke ye batānā ho
hamesha der kar detā huuñ maiñ har kaam karne meñ.....
0 Comments